Tuesday, October 13, 2015

எங்கே முடிய வேண்டுமோ
முடிந்து விட்டாய்

முடிவடைய ஆகாத
திக்கு நோக்கின திகைப்பில்
பேசின வசனங்கள் பிசுபிசுக்க
குருதி கொதித்த வினாடிகளின்
உறுமல்

எப்படி இருந்தேன் தெரியவில்லை
எப்படி இருக்கலாம் தெரியவில்லை
போகட்டும், இது ஒன்று தெளிய வேண்டும்
முடிவதற்கு முன்னமே தெரிந்து வைத்திருந்தாயா
தெரிந்திருக்கவே முடிந்து போனாயா  

  
நீ உதிர்த்த ஒற்றை சொல்லின்முலை குடித்து
தூங்காதிருந்து தூங்கிப் போன
தினங்களில் பதுங்கி இருக்கிறேன்  
வாழ்வின் வீதியில்
சலிப்பு வாங்கித் திரும்பும்
அணைந்த கண்களை
நேரிடாது.

நான்சென்ஸ்.