ஆம்
அவன் வாயில் இருந்து என்ன வார்த்தை விழும்
அவனது கரங்கள் எந்த ஆயுதத்தை எடுத்துக் கொள்ளும்
ஆயிரம் ஆண்டுகள் கொண்டு நடந்த
பளிங்கு
எப்போது கை நழுவி விழும்
எதையும் சொல்லி விட முடியாது
பார்த்தாயா
அவனது பாத விளிம்புகளுடன்
தொடர்ந்து நடக்கிறது அந்த பள்ளத்தாக்கு
அவனை அள்ளி மூடும் ஒரு தினத்துடன்

இந்த நாளில்
யாரை யார் நம்பிக் கொண்டிருப்பது

எனினும் மொக்காய் இருப்பது விரிகையில் வாழ்வு.