உலகை புரிந்து கொள்வது ஒரு
நல்ல செயல். அதற்கு ஒரு நெடிய
பயணம் போதும். ஒரு இரவும், சற்றே
குவிந்து கிடக்கிற நட்ஷத்திரங்களும்,
மதுக்குப்பிகளும் போதும். தன்னை
அவிழ்த்து மல்லாத்தி புன்முறுவலுடன்
சவால் வைக்கிற காமம் போதும்.
வங்கியில் பணம், சட்டைப் பையில் அதன்
அட்டைகள் இருக்க எங்கு நழுவிப் போகும்
அது புரிந்து கொள்ளப்படாமல்?

ஆயினும் இன அழிப்பில் கருகிய
மகளின் சடலத்தில் கொப்புளிக்கிற
புகையை ஆக்ரோஷமாக ஊதும் ஒரு
தகப்பனின் இதயம் இருப்பின் ஆஹா உலகம்
அழகியது, தங்கம் கொண்டு மெழுகியது.