கரி நிறம்
மூங்கில் புதரில் அசைகிறது
இந்த சாயந்திரத்தின் நிறம்
அது என்னைக் குறி வைக்கிறதா
அதை அறிய முடியாது
வீறிட்டு அழைக்க வேண்டுமோ
யாரையும்
அதுவும் ஐயமே
நின்ற இடத்தில் இருந்து ஊர்கிறேன்
கீழே வீழாதிருக்க இருதயத்தைப்
பிடித்துக் கொண்டு
ஒரு தும்பிக்கை எனது முதுகில்
நிரந்தரம் வரும் தொட்டு விடாமல்

சோறு ரொம்ப முக்கியம்
மானம் ரொம்ப முக்கியம்
அதில் ஆனை ஒளிய ஆகாது
இல்லையா?