இரண்டு
நான் இறந்து போவது போல
ஒரு செய்தி உலவிற்று
என்றாள்
அனைவரும் கிளர்ச்சியடைந்தார்கள்
உலகின் மகத்தான சொற்கள் அனைத்தும்
அங்கே உருட்டப்பட்டன
இனி சாகிற அந்த தினத்தில் தான் அவர்களால்
விறுவிறுப்படைய முடியும்
அது வரையில் துக்க சொற்களுக்கு
துழாவிக் கொண்டிருப்பார்கள்
பிறப்புக்கும் இறப்புக்கும் நடுவே
வாழ்வாக ஒன்று அறியப்படுகிறது தானே
அது ஒரு லெங்க்த் ஷாட்,
கட் செய்ய முடியுமா என்பது
அவளுடைய கேள்வி
அவளை எனக்கு தெரியும்
அவள் நான் உருவாக்கிய ஒரு கதாபாத்திரம் தான்.
