கொஞ்சம் குடி
கொஞ்சம் கூட நிற்காத '
பேச்சு
தேங்கின மழைநீரை
ஒலிக்க செய்து சிரித்து நடந்தே
அக்கடையில் பலூடா சொன்னோம்
அரட்டைக்கு கவனம் திரும்பாமல்
காப்பிக் கோப்பையை வெறித்துக் கொண்டு
ஒருத்தி
பத்து வருடங்கள் போனபிறகு வந்த ஒரு மழைநாளில்
நீரஜா என்கிற பெயரில் அவளை நினைத்துக் கொண்டேன்
அவளுக்கு மகள் பிறந்தாள்
நான் பார்த்திராத அவள் வளர்ந்து விட்டாள்
ஒரு பருவப்பெண் அழகாக இருந்தால்
அவள் வாய் விட்டு சிரிப்பதாக இருந்தால்
அவள் நீரஜாவின் மகள் தான்,
எனக்கு சொல்லுங்கள்.
ஒருவேளை நகர்ந்தால் மட்டுமே
துலங்கும் சூரியோதயம் போல
சில கண்கள்
உள்ளுக்குள் பேசும்போதும்
உள்ளாடை மாற்றும் போதும்
அடித்துப் பார்த்தவாறு இருக்கின்றன
ரகசியங்களை பரிகசிக்கின்றன
கீழே, கீழ்மையின் சுழிதலை
பெற்றெடுத்த மக்கள் போலும்
சகிக்கின்றன, சகஜமாக்குகின்றன
ஒரு மின்னல் வெட்டின் இடைவெளியில்
வேறு கண்களுடன் சென்றுவிட்டவர்
பற்றி எந்த செய்தியும்
இல்லை.
அட்டப்பாடிக்கு அருகே
சிறிய குன்றின் மீது
அந்தி இறங்கியதும்
பெட்ரோமாக்ஸ் தெரிந்த
இடுக்குகளில் இறங்கினோம்
புளித்தாலும் பொழுதின் நரம்பில்
பித்து நுழைத்த கள்ளு
இம்முறை குன்றின் மீதிருந்து தெரிந்த விண்மீன்கள்
ஒரு அதிர்ச்சி சம்பவம்
அவைகள் முற்றுகையிட்டதில்
நான் விரும்பியிருந்த பெண்ணை நினைத்துக் கொண்டதுடன்
அதை அவளிடம் சொல்லவும் செய்தேன்
இப்போதெல்லாம் பேசும்போது
என்னை நினைத்துக் கொள்கிறாயா என்பதற்கு பதில்
அட்டப்பாடிக்கு போவதில்லையா என்றுதான்
வினவுகிறாள்.
இரவில் உறங்க செல்லலாம்
இரவை உறங்க சொல்ல முடியாது
அல்லியோ மல்லியோ
ஆயிரம் பூத்து வைத்தாலும்
திருடன் தேட வேண்டியிருப்பது
எதுவோ
யோக்கியர் சுற்றுவது எதுவோ
அதைத்தேடி வாழ்க்கை
நூறுமுகம் தரிக்கும்
நூறுநூறு முகம் தரிக்கும்
நீங்கள் காணாத காட்டில்
நிலவுண்டு
நீங்கள் எழுதாத பாட்டில்
கண்ணீருண்டு
பகலை தனியாய் கண் கொண்டு அறிவதில்
பெருமை என்ன ஞானத் தங்கம்?
தத்தை திரும்பி வந்து விட்டதாம்
முப்பாட்டன் காலத்தில்
பாட்டன் காலத்தில்
அப்பன் காலத்தில்
வெவ்வேறு தத்தைகள் இருந்திருந்தன
இதே கூண்டில்
அக்கா சோறு வை
என்று கிரீச்சிட்டுக் கொண்டு
கூண்டை சுத்தம் செய்ய திறந்ததில் பறந்து
நான்கு நாளில் திரும்பியிருக்கிறது
வேடிக்கை பார்க்க வந்தவர்கள்
திரும்பிப் போனார்கள்
சமத்தாக கூண்டில் அமர்ந்த அது
சமத்தாக சாப்பிடவும் செய்தது
அக்கா சோறு வை மட்டும்
சொல்வதில்லை.
