மலை மீதிருந்து இறங்கும்போது
பக்கவாட்டில் பள்ளத்தாக்கில்
ஒரு வெள்ளி மினுங்கிய அருவி மறைந்து
நினைக்கும் போதெல்லாம் நனையும் குளிர்
அந்த சந்திப்பு
நீயா போனாய் என்கிறேன்
யாரோ தனது பாலையில் கானலைக் காய்ச்சும்போது
அவர் தரிசனம் ஒளிர 
தணல் அடுப்புக்கு முன் உள்ளங்கரங்களை
தேய்த்துக் கொள்கிற யாரோ இருப்பது தெரியாது,
என்ன ஒரு கண்ணாமூச்சி ?

நீயா போவாய்
என்கிறேன்.