விபத்து

 

ஹமீத் வந்திருந்தான்
நன்றாய் இருக்கிறேன்  என்றான்
எத்தனை வருடங்கள் ஆயிற்று
என் பிள்ளைகளிடம் உன்னைப்பற்றி
பேசுவதுண்டு என்றான்

உன்னோடு படித்த  ரசியா
மகள்களை விட்டுவிட்டு
மருந்து குடித்து செத்துப்போனாள்
தம்பி நாயக்கர் பெண்ணோடு போய்
தனியாய்  இருக்கிறான்
ஹயுப்  இப்போ கோடிஸ்வரன்
அம்மாவிடம் உன்னைப்பற்றி சொன்னால் 
சந்தோஷப்படுவார்கள்

அய்யப்பன் மலைக்கு போவதுண்டா
கல்யாணம் செய்யல்லையே கடைசி காலத்தில்

என்ன செய்வாய்

அடேய் காக்காப்பூக்களை அடித்து

எவனோ ஒருவனின் மண்டை கிழிந்ததே

ஞாபகம் இருக்கா

நரைச்சுப் போச்சுடா எனக்கும்

இனி என்ன இருக்கு

வாழ்க்கைல என்னத்தடா கண்டோம்

இப்பவும் நீ அப்படியே தாண்டா இருக்கே

ஆம் ஹமீது

ஆனால் அப்படி இருந்துவிட்டது

விபத்து

வா வந்து கோவிலை கட்டென்று

ஏனோ என்னை கூப்பிடவில்லை

ராமன்