ருது

தனிமையென்பது ஒரு வெற்றுசொல்
அதற்குள் தீ மூண்டெரிவதில்லை

நிழல் நோக்கி களிப்புறும்
துக்கத்தின் பறவைகள்
அங்கு சிறகடிக்குமா
உலர்ந்த ஊற்று அடைபட்டிருக்க
கண்ணீருக்கும் அனுமதியில்லை

தனிமையென்பது
குழந்தை மீது ஏறும் நாகம்
நூறு சந்தியா ஒன்றாய் முறுகும்
மந்திர வான்
மிதந்தலைந்து மலை சுமக்கும்
பிதுங்கல்
சொந்த ரத்தத்தில் வந்த சகோதரம்
ஒரு தேனியின் ரீங்கரிப்பும் கேட்காத
கானகம்

பூக்கள் இதழ் விரிக்க
அந்த மலை முகட்டில் சூரியன் வரக்காத்திரு
ஒரு வேளை வந்து சேருவது
                                           கடவுளாயிருக்கலாம்