தீராத விளையாட்டு பிள்ளைகள்
நாம்
தீர்வதில்லை அவா
திசைகள் நான்கும்
பற்றி எரிந்தால்
கூட
தீமையை தித்திப்பாய்
சப்பு கொட்டுகிறது
வாழ்வின்
நாவு
குழந்தைகளும்
பெண்களும்
சாகாத தினசரியில்
கொட்டாவி முட்டுகிறது
குத்துப்பட்ட நண்பனின்
அவல முகமோ
கலைக்கப்படுகிற மனைவியின் கண்ணீரோ
வேணும்
அந்தமற்ற பெரு வெளியில்
கடைவிரித்த நறுவிருந்தாய்
இன சாவு மத சாவு
போதாது என்று இன்னும் எவ்வளவு
போர்ப்பரணி
வெளிப்படாத மிருகம்
விழுங்கும் குருதியெல்லாம்
விளையாட்டுப் பிள்ளைகளின்
ஊட்டமென்றான பின்
லூசு
காத்துல இருந்து
எப்படிடா
மலர பறிப்பே
அதுவும் தேவ மலர ?
No comments:
Post a Comment